Қуёшнинг иссиқ тафтидан қуруқлашаётган қўллар ва юзингиздан хавотирдамисиз? Сизга фойдали маслаҳатларимиз керакдир. Қуруқ маслаҳатдан кўра, “чумчуқ сўйса ҳам қассоб сўйсин” деган таъбирга амал қилиб  сизни қийнаётган саволлар билан мутахассисга мурожаат қилдик. Ишонаверинг суҳбатдошимиз Республика ихтисослаштирилган Дермотология ва Венерология илмий амалий текшириш марказий институти клиник орденатор Мустафоев Шуҳрат Омонович сизга энг фойдали маслаҳатлар бера олади.

    Қуёш  нурларидан қандай ҳимоялансак бўлади? 

    Ёзда ёки баҳорда асосан қуёш нурларидан ҳимояланиш учун қуёшнинг тикка тушадиган нурларининг вақтларини билишимиз керак. Бизда қуёш нурларининг тикка тушадиган вақти соат ўндан иккигача давом этади. Тўрт соат оралиғида бўлган вақтдаги қуёш нурлари Ўзбекистонда тикка тушадиган нурлар дейилади. Бу нурлар ҳар бир одамга ҳам фойда берувчи ва таъсир қилувчи механизмга эга. Инсонларда терилар ҳар хил бўлганлиги учун қуёш нурлари кимга фойда кимгадир эса зарар кўрсатади.   Фойдали томони шундаки, қуёш нури яхши тушган тери мустаҳкамлиги ортади ва мустаҳкамлиги ортади ва функциялари яхшиланади. Баъзиларга алергия қўзғатиб ёмон таъсир қилиб терига доғ тушиши мумкин. Бу теридаги доғларнинг ранги қора ва пушти рангда бўлиб, асосан тананинг қуёш тегадиган жойларига яъни юзга ва қўлнинг тирсак ва билак соҳаларига, эркакларда эса бўйин, кўкрак томонларига тушади. Бу нурлардан табиий равишда ҳимояланиш учун соябон, кўзойнак ва ёзлик бош кийимларидан фойдаланиш керак.

• maqola

    Har bir davrning alohida ijtimoiy ko’rinishi, kechinmalarini ifodalovchi qudratli kuchi bu adabiyotdir. Adabiyotni qudrati tarix va kelajak haqida so’zlay oladi, butun olamni tanish uchun zamin yaratadi.

    O’zbek adabiyoti ham ilmi, o’zini boy tajribasi va atoqli namoyondalariga ega. XX asr zabardas yozuvchilaridan biri o’nlab hikoya, qissa, romanlar muallifi Nazar Eshonqul. Adibning ijodida, ko’p uchramaydigan noan’anaviylikni ko’rishimiz mumkin. Uning bugungi kunda o’z o’rniga ega hikoyalaridan biri ”Maymun yetaklagan odam”. Asar 1989-yilda yozilgan bo’lib o’ziga xos yangi yondashuvdagi asar sifatida e’tirof etildi.Yozuvchi hikoya orqali insonlarni ichki kechinmalari, nozik ruhiy qatlamlarini ochib berdi.

• maqola

    Olimlarning aniqlashicha, hech narsa inson xotirasidan izsiz yo’qolib ketmas ekan. Yerga tushganidan to dunyodan ketgunigacha ko’rgan, eshitgan, umuman,  ko’z, quloq, burun, teri orqali qabul qilingan sezgilar miyada saqlanadi. Xullas, xotira –insonga ato etilgan noyob imkoniyat. Xotiraga munosabatda bir nozik o’rin borki, bu faqat hazrati Insonga xos. Bu –Qadrlash. Qadrlash –xotiraga ijtimoiy mazmun bag’ishlaydi, u xotirani ma’naviyatga, shu orqali kelajakka xizmat qilishini ta’minlaydi. Mobodo, xotira xotiraligicha qolib ketaverganda, undan faqat zarurat yoki ehtiyoj tug’ilganda foydalanilganda, odamzot xotiralarini muttasil takrorlayvergan, demak, taraqqiyot g’ildiragi o’z o’rnida aylanib turavergan bo’lardi. Har bir voqea, har bir odam hayoti o’ziga xos saboqlarni tashiydi, o’ziga xos ibrat maktabi bo’lib xizmat qiladi.

• maqola

    Sut inson uchun eng foydali mahsulotdir. Badanga sut quvvat beradi va tanosil a’zolarga ham foydasi katta. Sut sovuq va issiq mijozdagi odamlar uchun ham foydalidir. Faqat ularning me’dalarida safro moddasi bo’lmasligi kerak. Agar ko’zga tomizilsa xastaliklarga shifodir.

    Avstraliyalik olimlar ozishning yangi yo’lini o’ylab topishdi. Ma’lumbo’lishicha, ozish uchun ertalab sut ichishning o’zi kifoya eken. Nonushtaga bir stakan sut ichish bilan kishi tushlik vaqtida o’zini ortiqcha kaloriyalarini qabul qilishdan saqlaydi.

    30 nafar ko’ngilli ishtirokida o’tkazilgan tadqiqot natijalariga ko’ra olimlar shunday xulosaga kelishgan.  Ko’ngillilarning teng yarmi har kuni nonushtaga bir stakan sut ichgan bo’ls, qolganlar sharbat istemol qilgan. Tushlik vaqtida esa ular bir xil taom va bir xil ichimlik ichishgan. Tajriba yakunida ma’lum bo’ldiki, ertalab sut ichganlar vazn muammosiga duch kelmaydi. Bu tushlik vaqtida 9 foiz kaoriya kam qabul qilinishi bilan ta’minlanadi.

• maqola

    Мақол халқ оғзаки ижодининг кучли таълим-тарбиявий аҳамиятга эга бўлган, жуда ихчам шаклдаги, чуқур ва кенг мазмунли, ҳамма томонидан қўлланилиши мумкин бўлган жанрларидан бири ҳисобланади. Мақолларнинг узоқ тарихий тараққиёт илдизлари мавжудлиги, қайси даврда яратилган бўлса, ўша давр муаммоларини қамраб олганлиги, ҳозирги кунгача янгидан янги намуналарининг пайдо бўлиши унинг халқ орасида қадрланишининг белгисидир.Мақоллар халқнинг турмуш тарзини, ижтимоий-сиёсий, моддий-иқтисодий, маънавий-маърифий, касбий-маданий тажрибаларини, ҳаётдаги кузатишлари ҳамда уларга нисбатан ижобий ёки салбий муносабатларини ифодаловчи умумлашма ва хулосаларининг мевасидир.

    Барча халқларнинг мақолларида бўлгани каби ўзбек халқ мақолларида ҳам халқ ақл-заковатининг ёрқин ифодаси акс этиб туради. Кишиларнинг эътиборини тортадиган, ҳаётдаги ҳар бир ҳолатга билдирилган муносабат кўринишида мақоллар яратилиб келинган. Шунинг учун ҳам ўзбек халқ мақолларининг мавзу йўналишлари ниҳоятда хилма-хил бўлиб, одоб, ахлоқ, меҳнат, ҳунар-касб, уюшқоқлик, тежамкорлик, меҳр-оқибат, инсонпарварлик, ватанпарварлик, дўстлик, садоқат, соф-муҳаббат, бурч, виждон, номус, дид, фаҳм-фаросат ва яна кўплаб эзгуликларни қамраб олади. Яна бир йўналишдаги мақоллар ҳаётдаги нуқсонларни, камчиликларни, нопоклик, ноҳақлик, жабр-зулм, очкўзлик, адолатсизлик, ялқовлик, омадсизлик ва бошқа салбий иллатларни фош этишга қаратилгандир.

• Мақола.

Оила соғлом экан – жамият мустаҳкам, жамият мустаҳкам экан – мамлакат барқарордир!И.А.Каримов

   Узоқ асрлардан буён аждодларимиз оилавий ҳаётни соғлом турмуш тарзининг асосий қисми деб, оилавий ҳаётнинг муқаддаслигини эътироф этиб, оилада фарзандларни ҳаёт гулшани деб, уларни бақувват, ақлли, одоб-андишали қилиб ўстиришга катта аҳамият беришган. Оила поклиги, маънавий маданияти, унинг ислом шариати асосида шаклланиши, зўравонлик асосига қурилган муносабатларга йўл қўймаган. Фарзанд тарбияси оиланинг муқаддас вазифаси бўлиб ҳисобланган.

    И.А.Каримов таъкидлаганидек, “Оила бизнинг халқимиз учун миллатнинг кўп асрлик анъаналари ва руҳиятига мос бўлган ғоят муҳим ҳаётий қадриятлардан биридир”.

    Ушбу қадриятлар авлоддан-авлодга ўтиб, сайқалланиб, оилавий муносабатлар маданиятини такомиллаштиришда, ёш авлодни жисмонан соғлом, маънан баркамол, ахлоқан пок этиб тарбиялашда катта аҳамиятга эга бўлиб борди.

• Мақола.

    Бугунги кунда Миллий дастурнинг устивор вазифаларини рўёбга чиқариш бўйича мақсадли умумдавлат ва минтақавий-худудий дастурлар ишлаб чиқилиб, амалиётга жорий этилмоқда. Таълим  сифатини таъминловчи ўқув жараёнининг жуда нозик қирралари устида фаол суратда ишлар олиб борилмоқда. Асосий  мақсад – юқори сифатли кадрлар, жумладан, педагог кадрлар тайёрлаш самарадорлигига эришиш. Бунга эса дастурда кўзда тутилган қуйидаги вазифалар руёбга чиқиши орқли эришиш мумкин:

    фан, техника, маданият, технологияларнинг жаҳон миқёсидаги илғор ютуқлари асосида таълим мазмунини такомиллаштириш ва уни  юқори  сифат даражасида  бўлишини таъминлаш, шахс, жамият ва  давлатнинг ўзгариб борувчи талабларини қондириш, таълимни демократлаштириш, инсонпарварлаштириш  ва ижтимоийлаштириш;

    шахсни  ҳар тамонлама ривожлантириш ва тарбиялаш устиворлигини таъминлаш, бой миллий  маданий-тарихий анъаналар, ҳалқ урф-одатлари ва умуминсоний қадриятларга асосланган тарбиянинг  самарали ташкилий,  педагогик шакл ва воситалари;

    таълим соҳасининг ижтимоий кафолатланганлиги ва давлат томонидан қўллаб-қувватланиши. Педагогик фаолиятнинг нуфузи ва ижтимоий мақомини  ошириш  давлат сиёсатининг  рўёбга чиқиши, таълим олиш учун зарурий шарт-шароитларнинг яратилиши.

• Мақола.

    Буюк Шарқ мутафаккурлари ижодида инсонни улуғлаш, унинг маънавий тарбияси, гўзаликка садоқати ва муҳаббати, бу борада ўзини такомиллаштириб бориши муаммолари кенг миқиёсда очиб берилган – Абу Али ибн Сино, Абу Райхон Беруний, Аҳмад Яссавий, Юсуф Хос Хожиб, Амир Темур, Мирзо Улуғбек, Алишер Навоий, Заҳриддин Муҳаммад Бобур, ал-Бухорий ва бошқалар. Масалан, А.Навоий халқ тўплаган маънавий қадриятларни Она-ерга қиёслаб, ундан баҳраманд бўлиш орқали юксак маданиятга  эришиш мумкинлигини уқтиради. Унинг таъкидлашича, инсон ўз халқининг маънавий маданиятига,  унинг  маънавий хазинасига қанчалик яқин борса, у шунчалик юксакликка эришади.

    Биз учун айниқса Абу Носир Фаробийнинг гўзаллик, санъат, унинг эстетикик хусусиятлари хақидаги ғоялари, фикрлари, ишлари муҳим аҳамият касб этади. Фаробий ҳар қандай предметнинг гўзаллиги ундан турмушда оптимал фойдаланиш ва юксак мукаммаликка эришишдан иборат, деб ҳисоблайди.   Унинг таъкидлашича, инсонда  ташқи ва ички гўзаллик бўлади. Биринчиси, табиий гўзаллик бўлиб, у либос  ва безаклар ёрдамида эришилган гўзалликдан устун туради. Иккинчиси – ички гўзаллик бўлиб, у юксак аҳлоқий хулқ-атвор,  шунингдек ҳар тамонлама ривожланган шахсда намоён бўлади,  унинг сўзи билан  айтганда:  “Давлати борнинг давлатини безайди ва ночорнинг ночорлигини яширади”.

    Фаробий учун санъатнинг мақсади ҳис-туйғу ва тасаввурларни уйғотишдан иборат. Унинг айтишича, ижодкор ўзининг ижодий тасаввурларидан фойдаланган ҳолда умумий ғояларни муайян бадиий образларда мужассам этади. Фаробий мантиқ доирасида шеърият ва нотиқлик билан шуғулланган.

• Мақола.

    Оиладаги икки муҳим масала ёшларда соғлом оила ҳақидаги тушунчани шакллантиришдир. Ёшлар оиланинг буюк маънавият, қадрият бурч ва маъсулият эканини англаб етишлари зарур. Бунинг учун:

     -    Оналар ва ёшлар болаларга ғамхўрлик  килиш, уларнинг саломатлигини мустаҳкамлаш учун шароитлар яратиши лозим;

    — Бир ёшгача бўлган даврда уларнинг саломатлигини мустаҳкамлаш;

    — Беш — олти ёшгача бўлган даврда уларнинг саломатлигини мустаҳкамлаш;

    — Ногирон болаларни давлат томонидан ҳимоялашни кучайтириш;

    — Болаларни мактаб даврлигида тарбиялаш;

    — Ёшларни бўш вақтини банд этиш;

    — Ёшларнинг   хуқуқий   маданиятини   шакллантириш   ҳам   маънавий   етук инсонни тарбиялашнинг муҳим шартидир.

    Имом ал-Бухорий ҳадисларида ҳам соғлом фарзандларни тарбиялашда оила, маҳалла, энг аввало жамоатчиликнинг ўрни беқиёс эканлигини таъкидлаб ўтадилар.

    Имом ал-Бухорийнинг мусулмонлар учун Қуръони каримдан кейин турадиган «Ал-Жомиъ ас-саҳиҳ» асари араб тилидан ўзбек тилига таржима қилинган.

• Мақола.

    Мустақиллик туфайли Ўзбекистонда эркин, адолатли фуқаролик жамиятини қарор топтириш улуғвор мақсадлардан бирига айланди. Мамлакатимиз Президенти И.А.Каримов сўзлари билан айтганда:

    «Бизнинг бош стратегик мақсадимиз қатъий ва ўзгармас бўлиб, бозор иқтисодиётига асосланган эркин демократик давлат барпо этиш, фуқаролик жамиятининг мустаҳкам пойдеворини шакллантиришдан иборат». «Пировард мақсадимиз ижтимоий йўналтирилган барқарор бозор иқтисодиётига, очиқ ташқи сиёсатга эга бўлган кучли демократик ҳуқуқий давлат ва фуқаролик жамиятини барпо этишдир» .

    Зотан, фуқаролик жамияти улкан ижтимоий макондир. Бу маконда эркинлик ва қонунга бўйсуниш бир вақтнинг ўзида амал қилади. Унда жамиятнинг ҳар бир аъзоси инсон сифатида эркин ва озод бўлиши, ҳар бир фуқаронинг ўзаро тенглиги, фуқаро мақомидаги мустақиллиги каби принциплар устувор аҳамият касб этади. Демак, шу жиҳатдан олиб қараганда, оила ҳам фуқаролик жамиятининг узвий таркибий қисми саналади, у ҳам муайян ижтимоий вазифани бажаради.

• Мақола.

    Экологическое образование, просвещение и информирование являются одними из приоритетных направлений региональной природоохранной политики. Они реализуются управлением по охране окружающей среды в сотрудничестве с департаментом образования, комитетом по молодежной политике и департаментом культуры и искусства. Общая цель этих направлений — формирование экологической культуры молодежи, как неотъемлемой части общечеловеческой культуры, способствующей здоровому образу жизни, духовному росту общества, устойчивому социально-экономическому развитию, экологической безопасности региона и каждого человека.

    Экологические проблемы современности являются общечеловеческими, и их диапазон колеблется от уровня местных до глобальных. Актуальность и  значимость проблемы позволили ввести экологические курсы  в учебные программы среднего и высшего образования.

    Цель экологического образования — формирование осознанной деятельности личности. Задачи профильного экологического образования — обозначить проблемы, выяснить причинно-следственные связи, проанализировать создавшуюся экологическую ситуацию, научить думать  молодежь глобально, а действовать конкретно.

• статья

Tunimda orom yo’q, kunimda ma’no,  

Hayolim soyadek sizga ergashar.

Ko’zimga tor qafas tuyilar dunyo,

Ko’nglim ko’nglingizga sig’inib yashar.

Yurak shabnam kabi titrab turadi,

Ko’nglim ko’chasida ovvora jonim.

Kim sizni menchalik yaxshi ko’radi?

Eng mehri qattig’im, eng mehribonim!

Sizni duo qilib tolmaydi qo’lim,

Siz mening qalbimsiz, topgan qadrimsiz.

Mehringiz eng shirin qovun bir tilim,

Tengsiz boyligimsiz, shirin dardimsiz!

Qodirova  Madina

Samimiy ishonchning mangu qo’shig’in, 

Yurak torlarimga kuylatgan baxshi.

Dardimga sherigim, do’st-u nodirim,

Hammadan yaxshisiz, hammadan yaxshi.

Qalbimni ilitar mehr nomli taft,

Ko’zimda eng oily tuyg’uning naqshi.

Menga hovuch-hovuch ishonch tutgan kaft,

Hammadan yaxshisiz, hammadan yaxshi.

Qodirova  Madina

Azizim! Dunyoda qayg’ular to’p-to’p, 

Bunchalar bag’ringiz tig’lamang.

Yig’lash-chun shundoq ham dardlar ko’p,

Yig’lamang, meni deb yig’lamang.

Men shunday beboshman, devona,

O’zligim o’zimga begona,

O’tingum bag’ringiz o’rtana,

Yig’lamang, meni deb yig’lamang.

Yangrasa yomg’irlar qo’shig’I,

Qalqmasin dilingiz og’rig’I,

Ko’zyosh ham Tangrimning tortig’i

Yig’lamang, meni deb yig’lamang.

• she'r

Endi uchrashmoqlik yarashmas bizga,

Ko’nikmoq darsini o’qiymiz endi.

Uyalmay begunoh yuragimizga,

G’aliz ertaklarni to’qiymiz endi.

Bahorni haydaymiz shundoq eshikdan,

Eshitmay nasimning dardli dodini.

Olmaymiz eng sovuq, zulmat teshikdan,

Bechora sevgining hatto yodini.

Har kun tavakkalda qadam tashlaymiz,

Go’yo tog’, asli puch tilaklar bilan.

Bilmam qachongacha o’zni aldaymiz,

Bo’m-bo’sh, huvillagan yuraklar bilan.

Qodirova  Madina

Shaharda o’qiy deb keldim uzoqdan, 

Soddadil insonlar qolib ketdilar.

“Kelibdi bu: deya, qaysi qishloqdan”

Odamlar ustimdan kulib o’tdilar.

“G’alati qishloqi” dedilar.

Qaradim binolar baland-pastiga,

Yo’llardan rayhonning iforin kutdim.

Ko’chada qo’limni qo’yib ko’ksimga,

Ko’ringan odamga “salom” deb o’tdim.

Negadir “qishloqi” dedilar.

Qishloqda yuribman modani bilmay,

Shaharda zamona zayli zo’r ekan.

Yigitlar sochlarin o’stirar tinmay,

Qizlarning kiyimi ochiq, tor ekan.

“To’pori qishloqi” dedilar.

• she'r

Bir mag’rur,          

navqiron

terak bag’ridan,

Samoga termulib uzildi yaproq.

Endi olislarda qoldi u osmon,

Uni o’z bag’riga chorladi tuproq.

Faqat samolarga termulgan nigoh,

Pastda yer borligin yaproq sezmadi.

Rostlikka boqdi-yu

Shunda ham yolg’on

O’tginchi shamoldan ilinj izladi.

Yaproqning yonidan ketmasdi shamol,

Bugun qo’llaridan ushlatmas zinhor.

Samoda qolishga tayanch topolmay,

Yaproq boshin qo’ydi tuproqqa nochor.

Bir g’arib,

hokisor

terak bag’ridan,

Uzilgan yaproqlar tuproqqa singdi.

Terak ham ko’kkamas oxir yer tomon,

Bir kun qaytishini o’ylaydi endi.

Najmiddin  ARMATOV

    «Ommaviy madaniyat» G‘arb dunyosida o‘tgan asrning ikkinchi yarmida shakllandi. Uni G‘arbda «populyar» yoki qisqartirilgan holda, «pop-kultura» (ya'ni «ommaviy madaniyat») deb atashadi. Garchi «madaniyat» deb atalsa-da, aslida, tub mazmun-ma'nosiga, maqsad-niyatiga ko‘ra «ommaviy madaniyat» chinakam madaniyatning kushandasidir.

    Mutaxassislar (faylasuf va sotsiolog olimlar)ning fikricha, hali ilm-fanda «antikultura» («g‘ayrimadaniyat») degan ilmiy tushuncha shakllanmaganligi uchun «Pop (ommaviy) madaniyat» tushunchasi, nochorlikdan qo‘llanilmoqda. Chunki, «ommaviy madaniyat», aslida madaniyatsizlik, ya'ni ma'naviyatsizlik va axloqsizlik sinonimidir. «Ommaviy madaniyat» shu boisdan, eng avvalo, yuksak iste'dod va o‘lmas ma'naviy-axloqiy g‘oyalar bayroqdori bo‘lgan mumtoz madaniyatga, san'atga, uning boyliklariga qarshi tish-tirnog‘i bilan kurashib, uni inkor etib kelyapti. G‘arb dunyosining o‘zidagi faylasuflar, sotsiolog olimlar, «Bizga «To‘qqizinchi simfoniya» (Betxoven) kerak emas!» yoki «Mona Liza»ni loyga qorishtiramiz!» kabi jaholatparastlikka asoslangan xitoblar «ommaviy madaniyat» tarafdorlari va muxlislarining dasturiy qarashlari negizini tashkil etadi, deb yozadilar.

• maqola

    Мустақиллик мамлакатимиз ҳалқлари ҳаётида янги тарихий даврни бошлаб берди. Ҳамда давлат ва жамият муносабатлари тўғрисидаги қарашлар янгича назарий қоида, хулосалар асосига қўйила бошланди.

    Давлат ва жамият қурилишининг иқтисодий, ижтимоий-сиёсий ва маънавий негизларининг ягона мафкуравий асослари ўрнида миллий истиқлол ғоясининг асосий тушунча ва тамойилларидан келиб чиққан ҳолда ёндошиладиган бўлди. Бу Ўзбекистонни мустақил давлат сифатида ўзига хос ва мос тараққиёт йўлини танлаб олганлигини, уни энди эски марксистик ғояларга таянган ҳолда эмас, аксинча ўзининг миллий концепциясига, маънавий-маърифий қадриятларига, шарқ фалсафасининг бой меросига ва умуминсоний тамойилларга таянган ҳолда ишлаб чиқишга алоҳида эътибор қаратила бошланди.

    Ўзбекистон Республикаси Президенти И.А.Каримов айтганидек давлат ва жамият тўғрисида «Биз яқин ўтмишимизда синфий ҳукмронликнинг қуроли сифатида, давлат ҳақидаги марксча ғояни шиор қилиб олиб, бу назарияни догмага, давлат ва хуқуқни эса синфий кураш, синфий рақибларни енгиш воситасига айлантирган эдик. Демократия шароитларида эса давлат ижтимоий қарама-қаршиликларни зўрлик ва бостириш йўли билан эмас, балки ижтимоий келишув, халқ таъбири билан айтганда, муросаи мадора билан бартараф этиш воситасига айланади.»

    Табиийки, миллий ғоямиз шу юртда яшаётган барча одамларнинг олижаноб ниятларини, ҳаётий манфатларини мужассам этадиган юрт тинчлиги, Ватан равнақи, халқ фаровонлиги деган юксак тушунчаларни ўз ичига олади.

• Мақола.

    Ўтиш даврида давлатнинг зарурлиги ва моҳияти аввало, жамиятда фаолият кўрсатувчи демократик институтларнинг ривожланиши ва барқарорлигини рағбатлантира оладиган хуқуқий ҳужжат чиқариш ва жорий этиш, фуқароларнинг ҳуқуқ ва манфаатларини муҳофаза қилиш, уларнинг ижтимоий ҳимояланганлигига доир амалий чоралар қабул қилиш, фуқароларнинг ҳуқуқ ва эркинликларига тажовуз қилувчи ҳолатларда тегишли шаклда ҳуқуқий жавобгарликка тортишнинг ҳуқуқий механизмларини ишлаб чиқиш ва жорий этишда ифодаланади. Бу билан бирга ўтиш даврида давлат механизмининг барча бўғинлари аниқ ва бир маромда ишлашини, давлат органлари фаолиятида ҳуқуқий ижодкорлик ва ҳуқуқий қўллашнинг самарадорлигини, ҳокимият ваколатларининг тақсимланиш принципини ҳаётга жорий этишни, давлат-ҳуқуқий ва сиёсий институтларининг барқарорлигини, эркин бозор иқтисодиётини таъминлайди.

    Ички ва ташқи сиёсатнинг йўналишлари, уларнинг мантиқи тўлалигича пировард мақсад – чинакам мустақил Ўзбекистонни барпо этиш мақсади билан белгиланадиган. Республикада собитқадамлик билан ҳалқчилик адолатли жамиятни бунёд этиш – бош вазифадир. Меҳнатсевар ва бадавлат, маънавий етук ва маданиятли оила – шу жамиятнинг асосини ташкил этади.

    Одамларнинг сиёсий онги, сиёсий маданияти, сиёсий фаоллиги юксалиб боргани сари, давлат вазифаларини нодавлат тузилмалар ва фуқароларнинг ўзини-ўзи бошқариш органларига босқичма-босқич ўтказиб, бу борада ўзини-ўзи бошқарадиган идораларнинг, маҳалларнинг нуфузини ва мавқеини ошириш, уларга кўпроқ ҳуқуқлар бериш катта аҳамият касб этади.

• Мақола.