2013 yil 22-23 yanvar kunlari Toshkent shahrida “O‘zbekiston Respublikasida yoshlar siyosatini amalga oshirishning dolzarb masalalari” mavzusida Respublika ilmiy-amaliy anjumani o‘tkaziladi.
Anjumanning maqsadi: O‘zbekiston Respublikasida amalga oshirilayotgan yoshlarga oid siyosatning huquqiy, iqtisodiy, ijtimoiy va tashkiliy asoslarini yanada takomillashtirish, chuqur bilimli, jismonan sog‘lom, ma‘nan yetuk – barkamol avlodni voyaga yetkazish yo‘lida olib borilayotgan ishlar samaradorligini oshirish, yoshlarning demokratik huquqiy davlat hamda fuqarolik jamiyati shakllanishi jarayonlarida keng ishtirokini ta‘minlash va ijtimoiy faolligini oshirishning dolzarb masalalarini muhokama qilish.
Anjumanda qo‘yidagi shu‘balar bo‘yicha ish olib boriladi:
1-shu‘ba: “O‘zbekistonda yoshlar siyosati: bugungi holati va istiqbollari”.
2-shu‘ba: “Iqtidorli yoshlarni qo‘llab-quvvatlash, ularning ijodiy va intellektual salohiyatini ruyobga chiqarish”.
3-shu‘ba: “Mamlakatni demokratik yangilash jarayonida yoshlarning huquqiy madaniyatini shakllantirish va ijtimoiy faolligini oshirish”.
4-shu‘ba: “Mustaqil fikrlaydigan, o‘z hayotiy pozitsiyasi va mustahkam e‘tiqodga ega bo‘lgan yosh avlodni tarbiyalashning ma‘naviy-ma‘rifiy asoslari”.
5-shu‘ba: “Yoshlarda sog‘lom turmush tarzini shakllantirish va yoshlar sportini rivojlantirish masalalari”.
6-shu‘ba: “Barkamol avlodni tarbiyalashda ommaviy axborot vositalarining roli”.
Anjumanda ishtirok etish uchun talabnoma va anjuman materiallari to‘plamiga ilmiy maqola taqdim etish zarur.